A Man's a Man for A' That

Is there for honest Poverty

That hings his head, an’ a’ that;an’ and · a’ all

The coward slave—we pass him by,

We dare be poor for a’ that!

For a’ that, an’ a’ that.

Our toils obscure an’ a’ that,

The rank is but the guinea’s stamp,

The Man’s the gowd for a’ that.gowd gold

What though on hamely fare we dine,

Wear hoddin grey, an’ a that;hoddin coarse undyed woollen cloth

Gie fools their silks, and knaves their wine;Gie to give

A Man’s a Man for a’ that:

For a’ that, and a’ that,

Their tinsel show, an’ a’ that;

The honest man, tho’ e’er sae poor,e’er ever · sae so

Is king o’ men for a’ that.o’ of

Ye see yon birkie, ca’d a lord,yon yonder · birkie a conceited fellow

Wha struts, an’ stares, an’ a’ that;Wha who

Tho’ hundreds worship at his word,

He’s but a coof for a’ that:coof a fool

For a’ that, an’ a’ that,

His ribband, star, an’ a’ that:

The man o’ independent mind

He looks an’ laughs at a’ that.

A prince can mak a belted knight,mak make

A marquis, duke, an’ a’ that;

But an honest man’s abon his might,

Gude faith, he maunna fa’ that!Gude good · maunna mustn’t

For a’ that, an’ a’ that,

Their dignities an’ a’ that;

The pith o’ sense, an’ pride o’ worth,

Are higher rank than a’ that.

Then let us pray that come it may,

(As come it will for a’ that,)

That Sense and Worth, o’er a’ the earth,

Shall bear the gree, an’ a’ that.gree the prize (degree)

For a’ that, an’ a’ that,

It’s coming yet for a’ that,

That Man to Man, the world o’er,

Shall brothers be for a’ that.